စောင့်နေသူ့ အလွမ်း(ကာရံမညီတဲ့ အလွမ်း)

ဟောင်းရွက်ကကြွေ 

လွမ်းငွေ့ဝေနဲ့ 

နွမ်းလျင့်ပေါ့ ခင်ရယ် 

တွေ့ချင်လှတယ် ။

အပြင်မှာ မလန်း

ရင်အနွမ်းနဲ့ 

ခင် အလာလမ်းကို 

စောင့်ကြိုမယ်​ ။

မြန်းခဲ့ပေါ့ခင်ရယ် 

လွမ်းလို့ဖြင့် သေနိုင်တယ် 

ခုချက်ချင်းကွယ် ။

အိမ်ဝေးငှက်ငယ် (ကပတ)

မေ့ဆေးပေးလို့ အလွမ်းဖြေမည်

"မေ့ဆေးပေးလို့ အလွမ်းဖြေမည်"
👣👣👣👣👣👣👣👣👣👣👣

မင်းသိရဲ့လား....
မင်းရဲ့အပြုံးတစ်ပွင့်နဲ့
နွေးထွေးခဲ့ရတဲ့ ကိုယ့်ရင်ခွင်ဟာ
အခုတော့ ဆောင်းလေအေးတွေကြောင့်
ရင်ခွင်တစ်ခုလုံး အေးခဲစပြုနေပြီ....။

မင်းသိရဲ့လား....
နှစ်ကိုယ်တူ လျှောက်ခဲ့ဖူးတဲ့
သွားနေကြ နေရာတွေမှာ
ကိုယ်တစ်ယောက်ထဲ
စကားပြောတတ်နေပြီ.....။

မင်းသိရဲ့လား....
ကိုယ့်အနားမှာ မင်းမရှိဘူးဆိုတာ
သိနေတဲ့ စိတ်ကို မေ့ဆေးပေးပြီး
ကိုယ့်နဘေး မင်းရှိနေသလို
နေတတ်ခဲ့ပြီ....။

မင်းသိရဲ့လား....
တစ်ခါ တစ်ခါ
ယောက်ျားတန်မဲ့
အားငယ်စိတ်တွေ ဝင်မိတိုင်း
မင်းဓာတ်ပုံတွေ
အက်ကြောင်းထပ်အောင်ကြည့်ပြီး
အလွမ်းဖြေတတ်နေပြီ....။   ။


မောင်ထွန်းဝင်း(ကျောက်ပန်းတောင်း)